حدّث الثائر: من أسبوعين وأنا بالجامعة تعرضت لأحقر موقف.. وأنا قاعد بعد فحص العملي بيجيني طفل مبين عمرو شي 7 أو 8 سنين..
ودار الحوار التالي:
- عمو معك 5 ورقات (بالحمصي)؟
- من وين أنت عمو؟
- من بابا عمرو
- وين ساكن حبيبي؟
- مو ساكن حاليا بمحلّ عم نام هون بالحارة
- أنت وأهلك؟ - لا عمو البابا استشهد والماما من لما أخدها الجيش ما بعرف وينها وبيتنا ما لقيتو (مع غصة ودمعة)..
- عمو لكن وين عم تنام؟
- بعرف واحد عم يخليني نام عَباب محلَو والصبح بس يفتح بفيق عصوت الجرّار، بلعب مع رفقاتي شوي، وبس خلص إذا ما لقيت حدا يطعميني بجي عالجامعة باخد 25 ليرة وبروح باكل
- طيب ليش بدك بس 5 ؟؟
- لأنو معي 20 ومارضي البياع يعطيني سندويشة بـ20.

انتهى الحوار وما رضي الولد يأخذ غير 5 ليرات، قال مشان ما فكروا عم يشحد!
ـ